அரியக்குடி திருவேங்கடமுடையான் கோயில் கும்பாபிஷேகம்: மார்ச் 26ல் கோலாகலம்

காரைக்குடி:அரியக்குடி, திருவேங்கடமுடையான் கோயில் கும்பாபிஷேக விழா, வரும், 26ம் தேதி நடக்க உள்ளது. காரைக்குடிக்கும், தேவக்கோட்டைக்கும் இடையே, இக்கோவில் அமைந்துள்ளது. இக்கோயிலின் கும்பாபிஷேக விழாவை முன்னிட்டு, வரும், 22ம் தேதி முதல், ஹோமம், சிறப்பு பூஜைகளும்; 23 - 25 வரை, கலை நிகழ்ச்சிகளும் நடக்க உள்ளன. வரும், 26ம் தேதி காலை, 6:18 மணி முதல், 7:18 மணிக்குள், அனைத்து விமானம், ராஜகோபுரங்களுக்கு கும்பாபிஷேகம் நடக்கிறது. மாலை, 5:00 மணிக்கு, கல்யாண உற்ஸவமும், இரவு, 9:00 மணிக்கு, கருட சேவை புறப்பாடு நிகழ்ச்சியும் நடக்கிறது.