குலசேகரன்கோட்டை மீனாட்சி அம்மன் கோயில் திருக்கல்யாணம்

வாடிப்பட்டி, வாடிப்பட்டி அருகே குலசேகரன்கோட்டை மீனாட்சி அம்மன் கோயில் சித்திரை திருவிழாவின்12 ம் நாள் நிகழ்வான மீனாட்சி சுந்தரேஸ்வரர் திருக்கல்யாணம் நடந்தது. தாசில்தார் பார்த்திபன், சமயநல்லுார் டி.எஸ்.பி மோகன்குமார் பங்கேற்றனர். அன்னதானம் வழங்கப்பட்டது. இன்று(ஏப்.,28) மாலை 5:00 மணிக்கு தேரோட்டம் நடக்கிறது.

சோழவந்தான்: பிரளயநாதர் கோயில்,திருவேடகம் ஏடகநாதர் கோயில், தென்கரை அகிலாண்டேஸ்வரி சமேத மூலநாதர் சுவாமி கோயில் மன்னாடிமங்கலம், திருவாலவாயநல்லுார் மீனாட்சி சுந்தரேஸ்வரர் கோயில்களில் திருக்கல்யாணம் நடந்தது. திருநகர் விளாச்சேரி ஈஸ்வரன் கோயிலில் சோமாஸ்கந்தர், விசாலாட்சிக்கு திருக்கல்யாணம் நடந்தது.

திருமங்கலம்: இங்குள்ள பழமை வாய்ந்த மீனாட்சி - சொக்கநாதர் கோயிலில் திருக்கல்யாணம் நடந்தது. முன்பு மதுரை மீனாட்சி திருக்கல்யாணத்திற்கு இங்கிருந்து தான் திருமாங்கல்யம் கொண்டு செல்லப்பட்டதாகவும், இதனால் இந்த நகரின் பெயர் திருமங்கலம் எனப்பெயர் பெற்றதாகவும் மக்கள் கூறுகின்றனர்.