சாலையில் தொல்லை...
தெருவிளக்கு எரியவில்லை திருப்பூர் ஊத்துக்குளி ரோடு கருமாரம்பாளையம் நேதாஜி நகரில் இரவு நேரங்களில் தெருவிளக்கு எரிவதில்லை. மக்கள் கடும் சிரமத்துக்கு உள்ளாகி உள்ளனர். - ஞானம், கருமாரம்பாளையம். நடைபாதையில் ஜல்லி கற்கள் திருப்பூர் மாநகராட்சி வெள்ளி விழா பூங்கா நடைபாதையில் ஜல்லி கற்கள் சிதறி கிடக்கிறது. நடைபாதையை மக்கள் பயன்படுத்த முடியாத நிலையில் உள்ளது. - வின்சென்ட், ராயபுரம். மூடப்படாமல் உள்ள குழி திருப்பூர் தோட்டத்துப்பாளையம் மெயின் ரோட்டில் தோண்டப்பட்ட குழி மூடப்படாமல், பேரிகார்டு தடுப்பை மட்டும் வைத்துள்ளனர். விபத்து அபாயம் ஏற்பட்டுள்ளது. - விஜி, திருப்பூர். ஊர் பெயரில் குழப்பம் புதிய பஸ்களில் வழித்தடம் குறித்து, ஊர்களின் பெயர்கள் சரியாக இடம் பெறுவதில்லை. இதனால், பொதுமக்கள் குழப்பத்தை சந்தித்து வருகின்றனர். - ராஜேஸ்வரி, போயம்பாளையம்.