குழந்தை பிரசவித்த பெண் இறப்பு டாக்டர்கள் மீது புகார்

ஷிவமொக்கா: குழந்தை பிரசவித்த பெண் உயிரிழந்ததற்கு, டாக்டரின் அலட்சியமே காரணம் என, குற்றச்சாட்டு எழுந்துள்ளது. ஷிவமொக்கா நகரில் வசித்த நுார் அப்சா, 25, நிறைமாத கர்ப்பிணியாக இருந்தார். இவருக்கு கடந்த 20ல் பிரசவ வலி ஏற்பட்டது. மெக்கான் மருத்துவமனையில் சேர்க்கப்பட்டார். மறுநாள் இவருக்கு ஆப்பரேஷன் செய்து பிரசவம் நடந்தது. ஆண் குழந்தை பிறந்தது. இரண்டு நாட்களுக்கு பின், உடல்நிலை மோசமானதால், நுார் அப்சாவுக்கு மற்றொரு அறுவை சிகிச்சை செய்யப்பட்டது. ஆனால் நேற்று காலை அவர் உயிரிழந்தார். இதற்கு டாக்டர்களின் அலட்சிமே காரணம் என, குடும்பத்தினர் குற்றஞ்சாட்டுகின்றனர். தொட்டபேட் போலீசார் விசாரிக்கின்றனர்.