வாசிப்பை நேசிப்பவர்களுக்கு அறிவுச்சுடர் தமிழ் புத்தக திருவிழா பெங்களூரில் டிச., 5 முதல் பத்து நாட்கள் பரவசம்

பெங்களூரு: கர்நாடக தமிழ் பத்திரிகையாளர் சங்கம் நடத்தும் நான்காவது தமிழ் புத்தக திருவிழா, டிசம்பர் 5 முதல் 14ம் தேதி வரை, காலை 10:00 மணி முதல் இரவு 8:00 மணி வரை, அம்பேத்கர் வீதியில் உள்ள 'தி இந்தியன் இன்ஸ்டிடியூட் ஆப் என்ஜினியர்சில்' நடக்கிறது. கர்நாடக தமிழ் பத்திரிகையாளர் சங்கத்தின் சார்பில் 2022 முதல் தமிழ் புத்தக திருவிழா நடந்து வருகிறது. இந்த ஆண்டு டிசம்பர் 5 முதல் 14 வரை நடக்கிறது. இந்த விழாவில் 35 ஸ்டால்கள் அமைக்கப்பட உள்ளன. இதில், மூன்று ஸ்டால்கள் கன்னட நுால்களுக்காக ஒதுக்கப்பட்டுள்ளன. இஸ்ரோ தலைவர் முதல் நாளான டிசம்பர் 5ம் தேதி மாலையில் 'இஸ்ரோ' தலைவர் நாராயணன் விழாவை துவக்கி வைக்கிறார். பெங்களூரு குடிநீர் வடிகால் வாரிய தலைவர் ராம்பிரசாத் மனோகர் தலைமை வகிக்கிறார். இரண்டாம் நாள் விழாவில், ராம்பிரசாத் மனோகர் எழுதிய 'கருவில் இருந்து கலெக்டர் வரை' என்ற நுாலை, தார்வாட் மாவட்ட கலெக்டர் திவ்யா பிரபு அறிமுகம் செய்து பேசகிறார். மூன்றாம் நாள் விழாவில், ராணுவ விஞ்ஞானி டாக்டர் டில்லி பாபு எழுதிய 'வெள்ளோட்டம் வெல்லட்டும்' என்ற நுாலை இஸ்ரோ செயற்கை கோள் மையம் முன்னாள் இயக்குநர் மயில்சாமி அண்ணாதுரை வெளியிடுகிறார். நான்காம் நாள் விழாவில் தமிழ் மொழி திறன் போட்டிகள் துவக்க விழா, மாய வித்தை காட்சி ஆகியவை நடக்கின்றன. பட்டிமன்றம் ஐந்தாம் நாள் விழாவில் மாய வித்தை காட்சி, பாவரங்கம், சிந்தனை களம்; ஆறாம் நாள் விழாவில் சன்மார்க்க வள்ளல் என்ற தலைப்பில் வில்லிசை அரங்கத்தை செஞ்சி புருஷோத்தமன் குழுவினர் நடத்துகின்றனர். இளைஞர்களின் முன்னேற்றத்துக்கு பெரிதும் துணை நிற்பது புத்தகங்களே... அலைபேசிகளே என்ற தலைப்பில் பட்டிமன்றம் நடக்கிறது. ஏழாம் நாள் விழாவில் நுாலரங்கம், கூத்தரங்கம் நிகழ்வில், மதுரை ஜெயமணிகண்டன் குழுவினரின் வள்ளி திருமணம்; எட்டாம் நாள் சிலம்பாட்ட அரங்கம், சிந்தனை களத்தில், இயக்குநர் பழம்பெரும் சினிமா இயக்குனர் கே.பாக்யராஜ் பங்கேற்கிறார். ஒன்பதாம் நாள் விழாவில், தன்னுரிமை மனமகிழ் மன்றம் வழங்கும் 'உஷாரய்யா உஷாரு' என்ற தலைப்பிலான நாடகத்துக்கு சிவாஜி நகர் எம்,எல்.ஏ., ரிஸ்வான் அர்ஷத் தலைமை வகிக்கிறார். மேடை நிர்வாகத்தை க.ராஜசேகர் கையாளுகிறார். சிந்தனை களம் நிகழ்ச்சியில் திசையும், திசை காட்டியும் என்ற நிகழ்ச்சி நடக்கிறது. நிறைவு நாள் நிறைவு நாள் விழாவில் கர்நாடக தமிழ் விருதுகள் வழங்கும் விழா ஏ.டி.ஜி.பி., எஸ்.முருகன் தலைமை வகிக்கிறார். விழா நாட்களில் கன்னடக் கலையரங்கம், நுாலரங்கம், பாராட்டங்கம், சிந்தனை களம், வெற்றி அரங்கம், தமிழிசை அரங்கம், பாவரங்கம் நடக்கிறது. கடந்த ஆண்டு 2,000 மாணவர்கள் பங்கேற்றனர். 1.50 லட்சம் ரூபாய்க்கு பரிசுகள் வழங்கப்பட்டன. நடப்பு ஆண்டில் 3,000 மாணவர்கள் பங்கேற்கலாம் என எதிர்பார்க்கப்படுகிறது. கன்னட நுால்கள் வெளியீடு, அறிஞர்கள், அதிகாரிகள் சொற்பொழிவு, கலை நிகழ்ச்சிகள் என திருவிழாவே நடக்க உள்ளது. இந்த விழாவை, பல மாணவர்கள் எதிர்பார்த்து காத்துக் கொண்டிருக்கின்றனர்.

ரூ.42,000 பரிசு

கர்நாடகாவில் தமிழ் மொழிக்கும், தமிழர்களின் நல்வாழ்வுக்கும் தொண்டாற்றியதற்காக வி.மு.வேலுக்கு 'கர்நாடக தமிழ்ப் பெருந்தகை', விருது, தமிழ் சான்றோர்கள் 42 பேருக்கு 'கர்நாடக தமிழ் ஆளுமை' விருது, இது தவிர 'கர்நாடக சீர்மிகு செந்தமிழ் பள்ளி', 'கர்நாடக செந்தமிழ் கல்லுாரி', 'கர்நாடக சீர்மிகு தமிழ் அமைப்பு' ஆகியவற்றை உள்ளடக்கிய 2025ம் ஆண்டுக்கான கர்நாடக தமிழ் விருதுகள் வழங்கப்பட உள்ளன. இவ்விழாவில் டாக்டர் எஸ்.வெங்கடேசன் சிறப்பு விருந்தினராக பங்கேற்கிறார். விழாவில் தமிழர் உணவுகள் ஸ்டால்கள், பாரம்பரிய விளையாட்டு போட்டிகள் நடக்கும். சிறந்த தமிழ் நுால்களுக்கான போட்டியில் வெற்றி பெற்றவர்களுக்கு 42,000 ரூபாய் பரிசு வழங்கப்படுகிறது. தமிழர் வரலாற்றை உணர்த்தும் சிறப்பு மலர் இந்த ஆண்டும் வெளியிடப்படும். பங்கேற்கும் அனைத்து மாணவர்களும் புத்தகங்கள் வாங்குவதற்காக 100 ரூபாய் கூப்பன் தரப்படும். இதில், பல மாநிலங்களில் இருந்தும் மக்கள் வருவர் என எதிர்பார்க்கப்படுகிறது. புத்தக திருவிழாவில் தமிழ், கன்னடம், ஆங்கிலம் மொழிகளில் பல வகை புத்தகங்கள் விற்கப்படும்.