முதல்வர் பதவிக்காக பூஜை பதிலளிக்காமல் சிவகுமார் நழுவல்

மாண்டியா: மாண்டியாவில் பூவரஹநாதர் கோவிலில், சிவகுமார் தன் மனைவி யுடன் சுவாமி தரிசனம் செய்தார். பெங்களூரில் முதல்வர் சித்தராமையாவுடன், துணை முதல்வர் சிவகுமார் சந்தித்து பேசிய பின், தன் மனைவியுடன் மாண்டியா மாவட்டத்தில் உள்ள பூவரஹநாதர் கோவிலுக்கு சென்றார். அங்கு இரண்டு மணி நேரம் நடந்த பூஜை யில் அவரும், அவரது மனைவியும் பங்கேற்றனர். பின், சிவகுமார் அளித்த பேட்டி: நான், திஹார் சிறையில் இருந்த போது, என் மாமனார், மாமியார் ஆகியோர் நான்கு முறை இக்கோவிலுக்கு வந்து சுவாமி தரிசனம் செய்துள்ளனர். கடந்த இரண்டு ஆண்டுகளாக வேறு கட்சியை சேர்ந்த நண்பர், இக்கோவிலுக்கு சென்று சுவாமி தரிசனம் செய்யும்படி கூறி வந்தார். இங்கு வந்து பார்த்தபோது, அதன் மகத்துவத்தை புரிந்து கொண்டேன். அற்புதமான, வரலாற்று சிறப்புமிக்க கோவிலாக உள்ளது. இங்கு அனைத்து மதத்தினரும் வந்து பிரார்த்தனை செய்வதை பார்க்கும் போது மகிழ்ச்சி அளிக்கிறது. இக்கோவில் கட்டும் பணியில் முஸ்லிம்கள் ஈடுபட்டனர். இங்கு ஜாதி, மதம் இல்லை. கடவுளின் துண்டுதலே இக்கோவிலுக்கு நான் வருவதற்கு காரணம். மாநிலத்தின் நலனுக்காக பிரார்த்தனை செய்தேன். இவ்வாறு அவர் கூறினார். உங்களுக்கு முதல்வர் பதவி கிடைக்க வேண்டும் என்பதற்காக இந்த பூஜை நடத்தப்பட்டதா என்ற கேள்விக்கு, 'அது பற்றி எனக்கு தெரியாது. அனைத்தையும் பெரியவர்களும், சுவாமிகளும் என்னை அன்புடன் பார்க்கின்றனர்' என்றார்.