அதானி பவர் மூலதன செலவு ரூ.2 லட்சம் கோடி

புதுடில்லி: அதானி பவர் நிறுவனம், அடுத்த ஐந்து நிதியாண்டுக்குள் 2 லட்சம் கோடி ரூபாய் மூலதன செலவினம் மேற்கொள்ள திட்டமிட்டு உள்ளதாக தகவல்கள் தெரிவிக்கின்றன. நிறுவப்பட்ட மின் உற்பத்தி திறன் தொடர்பான இலக்கையும் இந்நிறுவனம் அதிகரித்துள்ளதாக கூறப்படுகிறது. வரும் 2029 - 2030 க்குள் 30.67 ஜிகாவாட் நிறுவப்பட்ட அனல்மின் திறனை எட்ட இலக்கு நிர்ணயம் செய்திருந்த நிலையில், 2031 - 32 நிதியாண்டுக்குள் 41.87 ஜிகாவாட் திறனை எட்ட வேண்டும் என இலக்கை மாற்றியமைத்துள்ளதாக தெரிகிறது. நிறுவனத்தின் தற்போதைய உற்பத்தி திறன் 18.15 ஜிகாவாட்டாக உள்ளது. இந்நிறுவனம், உ.பி., பீஹார், மத்திய பிரதேசம், அசாம் மாநிலங்களில் மின் வினியோக திட்டங்களை நடப்பாண்டில் பெற்றுள்ளது.