பங்கு சந்தை நிலவரம்

தொடரும் தேர்தல் அழுத்தங்கள்

 கடந்த வியாழன்று சந்தை கடுமையான இறக்கத்தை சந்தித்த நிலையில், நேற்று சிறிது ஏற்றத்தை கண்டு ஆறுதல் வழங்கி உள்ளது  நேற்று பெரிய நிறுவனங்களான ரிலையன்ஸ் இண்டஸ்ட்ரீஸ், ஐ.டி.சி., பார்தி ஏர்டெல் ஆகிய நிறுவன பங்குகள் விலை உயர்ந்ததை அடுத்து சந்தை சற்று நிமிர்ந்தது  பி.எஸ்.இ., மிட்கேப் குறியீடு 0.81 சதவீதமும், ஸ்மால் கேப் குறியீடு 0.80 சதவீதமும் உயர்வைக் கண்டன சந்தையின் ஏற்ற இறக்கத்தை குறிக்கும் இந்திய வி.ஐ.எக்ஸ்., குறியீடு 52 வாரத்தில் இல்லாத வகையில், 18.50 சதவீதமாக உயர்வைக் கண்டிருந்ததும் குறிப்பிடத்தக்கது  தங்கம், வெள்ளி, தாமிரம் ஜிங்க் உள்ளிட்ட உலோக பங்குகள் அதிகம் வாங்கப்பட்டன அன்னிய முதலீட்டாளர்கள் தங்கள் முதலீட்டை அதிகளவில் வெளியே எடுப்பது மற்றும் தேர்தல் கள நிலவரங்கள் சந்தையில் தொடர்ந்து அழுத்தம் தந்து கொண்டிருக்கின்றன அன்னிய முதலீட்டாளர்கள் கடந்த வியாழன்று மட்டும் கிட்டத்தட்ட 6,995 கோடி ரூபாய் முதலீட்டை வெளியே எடுத்துள்ளனர் உலக கச்சா எண்ணெய் சந்தையில் நேற்று ஒரு பேரலின் விலை 0.41 சதவீதம் உயர்ந்து, 84.22 டாலராக அதிகரித்திருந்தது அமெரிக்க டாலருக்கு எதிரான இந்திய ரூபாயின் மதிப்பு 1 பைசா குறைந்து, 83.49 ரூபாயாக இருந்தது.

நிப்டி

முந்தைய முடிவு :21,957.50நேற்றைய முடிவு: 22,055.20மாற்றம்: 97.70 ஏற்றம் பச்சை

சென்செக்ஸ்

முந்தைய முடிவு: 72,404.17நேற்றைய முடிவு: 72,664.47மாற்றம்: 260.30 ஏற்றம் பச்சை

ஏற்றம் கண்ட பங்குகள்

 பி.பி.சி.எல்., என்.டி.பி.சி., பவர் கிரிட் கார்ப்பரேஷன் ஹீரோ மோட்டோகார்ப் ஜெ.எஸ்.டபுள்யு., ஸ்டீல்

இறக்கம் கண்ட பங்குகள்

 டி.சி.எஸ்., சிப்லா எல்.டி.ஐ., மைண்டுட்ரீ இன்போசிஸ் கோட்டக் மஹிந்திரா

நிறுவனங்கள் நிலை

(மும்பை பங்கு சந்தை) ஏற்றம் கண்டவை :56% இறக்கம் கண்டவை : 40%மாற்றம் காணாதவை:4%