சிவில் இன்ஜினியரிங் படிப்பு!

சிவில் இன்ஜினியரிங் என்பது சமூகத்தின் அடிப்படை கட்டமைப்புகளை உருவாக்கும் மிக முக்கியமான பொறியியல் துறையாகும். வீடுகள், பாலங்கள், சாலை, தரைநிலை கட்டிடங்கள், அணைகள், மின்நிலையங்கள், நீர் வினியோகம், கழிவுநீர் மேலாண்மை ஆகியவையும் இந்த துறையின் பகுதிகளாகும். நகர திட்டமிடல், பசுமை கட்டடங்கள், நிலத்தடி நீர் பாதுகாப்பு, நிலைதக்க வளர்ச்சி போன்றவற்றிலும் சிவில் இன்ஜினியர்கள் முக்கிய பங்கு வகிக்கின்றனர்.இளநிலை படிப்பு பாடத்திட்டம்சிவில் இன்ஜினியரிங்கில் இளநிலை படிப்பான பி.இ.,/பி.டெக்., 4 ஆண்டுகள் கால அளவைக் கொண்டது. இதில் மாணவர்கள் கட்டடக்கலை, கட்டுமான பொறியியல், நில அளவையியல், பசுமை கட்டட நுட்பம், நிலத்தடி நீர் மேலாண்மை, சாலை மற்றும் பாலம் வடிவமைப்பு, கட்டடப் பொருட்கள், சுற்றுச்சூழல் பொறியியல், தரம் மற்றும் பாதுகாப்பு ஆகிய தலைப்புகளை பயில்கின்றனர்.சிவில் இன்ஜினியரிங் இளநிலை படிப்பில் சேர, மாணவர்கள் 12ம் வகுப்பில் கணிதம், இயற்பியல், வேதியியல் ஆகிய பாடங்களில் தேர்ச்சி பெற்றிருக்க வேண்டும். முதுநிலை படிப்பு பாடத்திட்டம்சிவில் இன்ஜினியரிங்கில் முதுநிலைப் படிப்பான எம்.இ.,/எம்.டெக்., இரண்டாண்டு பாடநெறியாகும். இதில் கட்டுமான மேலாண்மை, நிலத்தடி நீர் வசதி, பசுமை தொழில்நுட்பங்கள், நிலச்சரிவுப் பாதுகாப்பு, போக்குவரத்து திட்டமிடல், சூழலியல் பொறியியல், நில அளவையியல் தொழில்நுட்பங்கள் போன்ற நுண்ணறிவுகள் கற்பிக்கப்படுகின்றன. திட்ட வேலை, ஆய்வுகள், ஆய்வுக் கட்டுரை எழுதுதல் மற்றும் தொழில்நுட்ப நடைமுறைகள் இதில் முக்கிய பங்கு வகிக்கின்றன. சிவில் இன்ஜினியரிங் துறையில் முதுநிலை படிப்புகளில் சேர்க்கை பெற, மாணவர்கள் பி.இ.,/பி.டெக்., அல்லது தொடர்புடைய பிரிவுகளில் தேர்ச்சி பெற்றிருக்க வேண்டும். இந்திய அளவில் 'கேட்' தேர்வின் அடிப்படையில் பல்கலைக்கழகங்களில் சேர்க்கை அளிக்கப்படுகிறது. சில மாநில பல்கலைக்கழகங்கள் தங்களது நுழைவுத் தேர்வுகளையும் நடத்துகின்றன. வேலை வாய்ப்புசிவில் இன்ஜினியரிங் துறையில் படிப்பை முடித்த பின், அரசு மற்றும் தனியார் துறைகளில் பரந்த வேலை வாய்ப்புகள் உள்ளன. இடம்சார் நிறுவனங்கள், கட்டிட வடிவமைப்பு நிறுவனங்கள், ரியல் எஸ்டேட் நிறுவனங்கள், கான்ட்ராக்ட் நிறுவனங்கள் ஆகியவற்றிலும் இடமளிக்கின்றன. தொழில் முனைவோர் என சுயதொழிலையும் ஆரம்பிக்க வாய்ப்பு உள்ளது. எதிர்கால வளர்ச்சிநகரமயமாதல், உள்கட்டமைப்பு மேம்பாடு, ஸ்மார்ட் சிட்டிகள், பசுமை கட்டிடங்கள், பன்னாட்டு திட்டங்கள் போன்றவை தொடர்ந்து வளர்ந்து கொண்டிருப்பதால், சிவில் இன்ஜினியர்களுக்கு நிலையான வேலை வாய்ப்புகள் உருவாகின்றன. 3டி பிரிண்டிங், பிஐஎம் (கட்டடத் தகவல் மாதிரியாக்கம்), ஸ்மார்ட் மெட்டீரியல்ஸ், ஜிஐஎஸ் தொழில்நுட்பம், நிலையான கட்டுமானம்போன்ற நவீன நுட்பங்களை கற்றுக்கொள்வதன் மூலம் இந்த துறையில் வேகமாக முன்னேற முடியும்.