இரண்டாம் கட்ட மருத்துவ கவுன்சிலிங் தேதி அறிவிப்பு

சென்னை கீழ்ப்பாக்கத்திலுள்ள மருத்துவக் கல்லூரி வளாகத்திலுள்ள ஆடிட்டோரியத்தில் இந்த கவுன்சிலிங் நடைபெறுகிறது. ஜுலை 21ம் தேதி தொடங்கும் கவுன்சிலிங், 25ம் தேதி, வெள்ளிக்கிழமை வரை நடைபெறுகிறது. கட்-ஆப் மதிப்பெண் 199.25 என்பதில் இருந்து தொடங்குகிறது. இனப்பிரிவு வாரியாகவும், அதற்கேற்ற மதிப்பெண் ஒதுக்கீட்டு வாரியாகவும் கவுன்சிலிங் நடைபெறுகிறது. இறுதி நாளில், 84.25 கட்-ஆப் மதிப்பெண் வரை நடைபெற திட்டமிடப்பட்டுள்ளது. உத்தேசமான காலியிட விபரங்கள், இணையதளங்களில் வெளியிடப்படும். விரிவான விபரங்களை அறிந்துகொள்ள www.tnhealth.org மற்றும் www.tn.gov.in ஆகிய வலைதளங்களுக்கு செல்லவும்.