மீண்டும் துவங்கியது மதிய உணவு திட்டம்

கொரோனா தொற்று பரவல் காரணமாக காரைக்கால் மாவட்ட அரசு மற்றும் உதவி பெறும் பள்ளிகளில் கடந்த மார்ச் 17ம் தேதி முதல் மதிய உணவுத் திட்டம் நிறுத்தப்பட்டது.அரசின் தளர்வுகள் காரணமாக, தற்போது அரை நாள் மட்டும் பள்ளிகள் இயங்கி வருகின்றன. இதனால் மாணவர்களுக்கான உணவுக்கு பதிலாக அரிசி மற்றும் பணம் வழங்கப்பட்டது.இந்நிலையில் தற்போது பள்ளிகள் முழு நேரம் இயங்க கல்வித்துறை நடவடிக்கை எடுத்துள்ளது. அதையடுத்து, நிறுத்தப்பட்ட மதிய உணவுத் தி்ட்டம் மீண்டும் துவக்கப்பட்டது. மேல்நிலை கல்வி துணை இயக்குனர் கோவிந்தராஜ் மற்றும் முதன்மை கல்வி அதிகாரி அல்லி ஆகியோர் மதிய உணவுத் திட்டத்தை துவக்கி வைத்தனர். இதனால், காரைக்காலில் 106 அரசுப் பள்ளிகள், ஐந்து அரசு உதவி பெறும் பள்ளி மாணவர்கள் பயன்பெறுவர்.