பிளிப்கார்ட்டில் பணியாற்ற வாய்ப்பு

சென்னை: 'பிளிப்கார்ட்'டில் உள்ள காலி பணியிடங்களை நிரப்புவதற்கான வேலை வாய்ப்பு முகாம், வரும் 25ம் தேதி கிண்டியில் நடக்க உள்ளதாக, சென்னை கலெக்டர் மாலதி ஹெலன் தெரிவித்துள்ளார்.அவர் வெளியிட்ட அறிக்கை:சென்னை மாவட்ட வேலைவாய்ப்பு மற்றும் தொழில் நெறி வழிகாட்டு மையங்கள் இணைந்து, தனியார் துறை வேலை வாய்ப்பு முகாமை, வரும் 25ம் தேதி நடத்துகிறது. சென்னை, கிண்டி, ஆலந்துாரில் உள்ள வேலைவாய்ப்பு அலுவலகத்தில், காலை 10:00 முதல் 2:00 மணி வரை நடக்கிறது.முகாமில், 'பிளிப்கார்ட்ʼ நிறுவனம் பங்கேற்று, 'டெலிவரி எக்ஸிக்யூடிவ்' 'டெலிவரி அசோசியேட்' உள்ளிட்ட காலி பணியிடங்களுக்கு ஆட்களை தேர்வு செய்ய உள்ளன.பங்கேற்க கட்டணம் கிடையாது. பங்கேற்க விரும்புவோர், www.tnprivatejobs.tn.gov.in என்ற இணையதளத்தில் பதிவு செய்ய வேண்டும்.இவ்வாறு அதில் கூறப்பட்டுள்ளது.