உழவர்கரை அரசு பள்ளியில் தினமலர் - பட்டம் இதழ் வழங்கல்

புதுச்சேரி : உழவர்கரை அரசு மேல்நிலைப்பள்ளி மாணவ, மாணவிகளுக்கு 'தினமலர் - பட்டம்' இதழ் வழங்கப்பட்டது.மாணவ மாணவிகளின் வாசிப்பு திறனை மேம்படுத்தவும், பொது அறிவு செய்திகள், நாட்டு நடப்புகள், அறிவியல் கண்டுபிடிப்புகள், விஞ்ஞான வளர்ச்சி, தற்போதுள்ள தொழில்நுட்ப அபிவிருத்திகள் உள்ளிட்ட அறிவியல் தகவல்களை மாணவர்களுக்கு எளிதில் புரியும் வகையில் 'தினமலர் - பட்டம்' இதழ் திங்கள் முதல் வெள்ளி வரை வெளியிடப்பட்டு வருகிறது.அந்த வகையில், உழவர்கரை அரசு மேல்நிலைப் பள்ளியில், வழக்கறிஞர் சிவபாலன், ரம்யா தலைமை தாங்கி, பள்ளி மாணவர்களுக்கு தினமலர் பட்டம் இதழ் வழங்கினர். விழாவில் பள்ளி துணை முதல்வர் சுகந்தகுமாரி, தலைமையாசிரியர் பூங்கொடி, ஆசிரியர் பூபாலன் உடனிருந்தனர்.