வட்ட அளவில் யோகா, செஸ் போட்டி ஆல்பா பள்ளி மாணவர்கள் வெற்றி

புதுச்சேரி : வட்ட அளவில் நடந்த சப்ஜூனியர் யோகா மற்றும் செஸ் போட்டியில் ஆல்பா மெட்ரிக் பள்ளி மாணவர்கள் வெற்றி பெற்றனர்.புதுச்சேரி 2023-24வது ஆண்டிற்கான ஒன்றாம் வட்ட அளவில் சப்ஜூனியர் ஆண்கள் யோகா போட்டி நடந்தது. இதில், ஆல்பா மெட்ரிக் மேல்நிலைப் பள்ளி 7ம் வகுப்பு மாணவர்கள் யோகேஷ், பிரதீப், 8ம் வகுப்பு மாணவர் அரவிந்த், ஒன்பதாம் வகுப்பு மாணவர்கள் சுசீந்திரன், ஜெய் ஆகாஷ் ஆகியோர் 2ம் இடம் பிடித்தனர்.பெண்கள் பிரிவில் நடந்த செஸ் போட்டியில் 7ம் வகுப்பு மாணவி ஹன்சிகா, ஒன்பதாம் வகுப்பு மாணவி அக் ஷயா, வனிதா ஆகியோர் 3ம் பரிசு பெற்றனர்.வெற்றி பெற்ற மாணவர்களை ஆல்பா கல்வி குழும இயக்குநர் தனதியாகு பள்ளி சார்பில் பரிசு மற்றும் சான்றிதழ் வழங்கி பாராட்டினார்.