மின்துறை இளநிலை பொறியாளர் பணியிடத்திற்கு 8ம் தேதி தேர்வு

புதுச்சேரி: மின்துறை இளநிலை பொறியாளர் பணியிடங்களை நிரப்புவதற்கான எழுத்து தேர்வு வரும் 8ம் தேதி நடக்கிறது.இதுகுறித்து தேர்வு பிரிவு அரசு சார்பு செயலர் ஜெய்சங்கர் வெளியிட்டுள்ள செய்திக்குறிப்பு: புதுச்சேரி மின்துறையில் இளநிலை பொறியாளர் பணியிடங்களை நிரப்புவதற்கான எழுத்து தேர்வு வரும் 8ம் தேதி, புதுச்சேரியில் 6 மையங்களில் நடத்த ஏற்பாடு செய்யப்பட்டுள்ளது. இத்தேர்வுக்கான அனுமதி சீட்டை தேர்வர்கள் https://recruitment.py.gov.inஎனும் அதிகாரப்பூர்வ இணையதளத்தில் இன்று 29ம் தேதி காலை 10:00 மணி முதல் பதிவிறக்கம் செய்து செய்து கொள்ளலாம். மேலும், விவரங்களுக்கு தேர்வர்கள் அனைத்து வேலை நாட்களிலும் காலை 10:00 மணி முதல் மாலை 5:00 மணி வரை 0413-2233338 என்ற தொலைபேசி எண்ணில் தொடர்பு கொள்ளலாம். இவ்வாறு கூறப்பட்டுள்ளது.