ஓணம் பண்டிகையை முன்னிட்டு மாகேவிற்கு சிறப்பு பஸ் இயக்கம்

புதுச்சேரி: பி.ஆர்.டி.சி., சார்பில், ஓணம் பண்டிகையை முன்னிட்டு மாகேவிற்கு சிறப்பு பஸ் இயக்க ஏற்பாடு செய்யப்பட்டுள்ளது. இதுகுறித்து மேலாளர் சிவானந்தம் வெளியிட்டுள்ள செய்திக்குறிப்பு: புதுச்சேரி சாலை போக்குவரத்து கழகம் (பி.ஆர்.டி.சி) சார்பில், ஓணம் பண்டிகையை முன்னிட்டு பயணிகள் வசதிக்காக ரூ. 900 கட்டணத்தில் சிறப்பு பஸ் இயக்க ஏற்பாடு செய்யப்பட்டுள்ளது. அதன்படி, வரும் 3ம் தேதி இரவு 7:00 மணிக்கு புதுச்சேரியில் இருந்து புறப்பட்டு விழுப்புரம், சேலம் வழியாக மாகேவிற்கும், 7ம் தேதி மாலை 5:00 மணிக்கு மாகேவில் இருந்து புறப்பட்டு சேலம், விழுப்புரம் வழியாக புதுச்சேரிக்கும் சிறப்பு பஸ் இயக்கப்படும். இவ்வாறு கூறப்பட்டுள்ளது.