இந்தியா-பாக்., மோதல் எப்போது * சாம்பியன்ஸ் டிராபி தொடரில்...
துபாய்: சாம்பியன்ஸ் டிராபி தொடர் அட்டவணை வெளியானது. இந்தியா, பாகிஸ்தான் அணிகள் பிப். 23ல் துபாயில் மோத உள்ளன. ஐ.சி.சி., சாம்பியன்ஸ் டிராபி 9வது சீசன், 2025 பிப். 19 முதல் மார்ச் 9 வரை பாகிஸ்தானில் நடக்கவுள்ளது. இதில் நடப்பு சாம்பியன் பாகிஸ்தான், இந்தியா, நியூசிலாந்து, ஆஸ்திரேலியா உட்பட, தரவரிசையில் 'டாப்-8' ஆக உள்ள அணிகள் பங்கேற்கின்றன. இவை இரு பிரிவுகளாக பிரிக்கப்பட்டுள்ளன. பாதுகாப்பு காரணங்களுக்கான இந்திய அணி, பாகிஸ்தான் செல்ல மறுத்தது. இதனால் இந்திய அணி விளையாடும் லீக் போட்டிகள் மட்டும் துபாயில் நடக்க உள்ளன.இதற்கான அட்டவணை நேற்று வெளியானது. இந்திய அணி 'ஏ' பிரிவில் பாகிஸ்தான், வங்கதேசம், நியூசிலாந்து அணிகளுடன் இடம் பிடித்துள்ளது. 'பி' பிரிவில் ஆப்கானிஸ்தான், ஆஸ்திரேலியா, இங்கிலாந்து, தென் ஆப்ரிக்கா அணிகள் இடம் பெற்றுள்ளன. முதல் மோதல்பிப். 19ல் கராச்சியில் நடக்கும் முதல் போட்டியில் பாகிஸ்தான், நியூசிலாந்து மோதும். இந்திய அணி தனது முதல் லீக் போட்டியில், வங்கதேசத்தை பிப். 20ல் சந்திக்கிறது. பைனல் எங்கேலீக் சுற்றில் ஒவ்வொரு பிரிவிலும் முதலிரண்டு இடம் பிடிக்கும் அணிகள், வரும் மார்ச் 4, 5ல் நடக்கும் அரையிறுதியில் விளையாடும். பைனல் மார்ச் 9ல் பாகிஸ்தானின் லாகூரில் நடக்கும். ஒருவேளை இந்திய அணி அரையிறுதி, பைனலுக்கு முன்னேறினால், போட்டிகள் துபாயில் நடக்கும். அட்டவணைதேதி பிரிவு அணிகள் இடம்பிப். 19 ஏ பாகிஸ்தான்-நியூசிலாந்து கராச்சிபிப். 20 ஏ இந்தியா-வங்கதேசம் துபாய்பிப். 21 பி ஆப்கானிஸ்தான்-தென் ஆப்ரிக்கா கராச்சிபிப். 22 பி ஆஸ்திரேலியா-இங்கிலாந்து லாகூர்பிப். 23 ஏ இந்தியா-பாகிஸ்தான் துபாய்பிப். 24 ஏ வங்கதேசம்-நியூசிலாந்து ராவல்பிண்டிபிப். 25 பி ஆஸ்திரேலியா-தென் ஆப்ரிக்கா ராவல்பிண்டிபிப். 26 பி ஆப்கானிஸ்தான்-இங்கிலாந்து லாகூர்பிப். 27 ஏ பாகிஸ்தான்-வங்கதேசம் ராவல்பிண்டிபிப். 28 பி ஆப்கானிஸ்தான்-ஆஸ்திரேலியா லாகூர்மார்ச் 1 பி இங்கிலாந்து-தென் ஆப்ரிக்கா கராச்சிமார்ச் 2 ஏ இந்தியா-நியூசிலாந்து துபாய்மார்ச் 4 முதல் அரையிறுதி துபாய்மார்ச் 5 இரண்டாவது அரையிறுதி லாகூர்மார்ச் 9 பைனல் லாகூர்/துபாய்* போட்டிகள் இந்திய நேரப்படி மதியம் 2:30 மணிக்கு துவங்கும்.* அரையிறுதி, பைனலுக்கு 'ரிசர்வ் டே' உண்டு.