ஜாம்ஷெட்பூர் அணி வெற்றி: ஐ.எஸ்.எல்., கால்பந்தில்

ஜாம்ஷெட்பூர்: ஐ.எஸ்.எல்., கால்பந்து லீக் போட்டியில் ஜாம்ஷெட்பூர் அணி 3-1 என முகமதன் அணியை வீழ்த்தியது.இந்தியன் சூப்பர் லீக் (ஐ.எஸ்.எல்.,) கால்பந்து 11வது சீசன் நடக்கிறது. ஜாம்ஷெட்பூரில் நடந்த லீக் போட்டியில் ஜாம்ஷெட்பூர், முகமதன் அணிகள் மோதின. முதல் பாதி கோல் எதுவுமின்றி சமநிலையில் இருந்தது. இரண்டாவது பாதியில் எழுச்சி கண்ட ஜாம்ஷெட்பூர் அணிக்கு முகமது சனான் (53வது நிமிடம்), ஜாவி சிவேரியோ (61வது), ஸ்டீபன் ஈஸ் (79வது) தலா ஒரு கோல் அடித்து கைகொடுத்தனர். தொடர்ந்து போராடிய முகமதன் அணிக்கு 88வது நிமிடத்தில் முகமது இர்ஷாத் ஒரு கோல் அடித்து ஆறுதல் தந்தார்.ஆட்டநேர முடிவில் ஜாம்ஷெட்பூர் அணி 3-1 என்ற கணக்கில் வெற்றி பெற்றது. இதுவரை விளையாடிய 9 போட்டியில், 5 வெற்றி, 4 தோல்வி என 15 புள்ளிகளுடன் ஜாம்ஷெட்பூர் அணி 7வது இடத்துக்கு முன்னேறியது. முகமதன் அணி (ஒரு வெற்றி, 2 'டிரா', 6 தோல்வி) 5 புள்ளிகளுடன் 12வது இடத்தில் உள்ளது.