குகேஷ், பிரக்ஞானந்தா மீண்டும் டிரா

மிசவுரி: கிராண்ட் செஸ் தொடரில் குகேஷ், பிரக்ஞானந்தா மீண்டும் 'டிரா' செய்தனர். கிராண்ட் செஸ் தொடரின் 9வது சீசன் (மொத்தம் 5 தொடர்) தற்போது நடக்கிறது. இதன் 2வது தொடர் அமெரிக்காவில் நடக்கிறது. இந்தியாவின் பிரக்ஞானந்தா, குகேஷ் உட்பட உலகின் 'டாப்-9' வீரருடன், சிறப்பு அனுமதி (வைல்டு கார்டு) பெற்ற, உலக சாம்பியன் சீனாவின் டிங் லிரென் பங்கேற்கிறார். உலக சாம்பியன்ஷிப்பில் பங்கேற்க இருப்பதால், குகேஷ் திறமை நிரூபித்தாக வேண்டிய நிலையில் உள்ளார். நேற்று நான்காவது சுற்றில் பிரான்சில் அலிரேசாவினை எதிர்கொண்டார். குகேஷ் வெள்ளை நிற காய்களுடன் விளையாடினார். போட்டியின் 47 வது நகர்த்தல் வரை குகேஷ் ஆதிக்கம் செலுத்த, வெற்றி பெறுவார் என நம்பப்பட்டது. மாறாக 50 வது நகர்த்தலில் செய்த தவறு காரணமாக, 58 வது நகர்த்தலில் போட்டி 'டிரா' ஆனது. இந்தியாவின் பிரக்ஞானந்தா, நெதர்லாந்தின் அனிஷ் கிரி மோதிய மற்றொரு போட்டி 'டிரா' ஆனது.நான்கு சுற்று முடிவில் அமெரிக்காவின் வெஸ்லே (2.5), பிரான்சின் அலிரேசா (2.5) முதல் இடத்தில் உள்ளனர். தலா 2.0 புள்ளியுடன் குகேஷ் 3வது, பிரக்ஞானந்தா 8 வது இடத்தில் உள்ளனர்.