அணுமின் கழக பணிகள் விண்ணப்பம் வரவேற்பு

மாமல்லபுரம்:இந்திய அணுமின் கழகத்தின் மனிதவள இயக்குனரகம் சார்பில், 58 பணியிடங்களுக்கு விண்ணப்பங்கள் வரவேற்கப்படுவதாக அறிவிக்கப்பட்டுள்ளது.அணுசக்தி துறையின்கீழ் இந்திய அணுமின் கழகம் இயங்குகிறது. அதன் மனிதவள இயக்குனரக பிரிவில், ஹெச்.ஆர்., அசிஸ்டென்ட் - கிரேடு 1ல் 29 பணியிடங்கள் காலியாக உள்ளன.அதேபோல், எப் அன்ட் ஏ., அசிஸ்டென்ட் - கிரேடு 1ல் 17 பணியிடங்களும், சி அன்ட் எம்.எம்., அசிஸ்டென்ட் - கிரேடு 1ல் 12 பணியிடங்களும் காலியாக உள்ளன.இப்பணிகளுக்கு விண்ணப்பங்கள் வரவேற்கப்படுவதாக அறிவித்துள்ள இந்திய அணுமின் கழகம், பாலின சமத்துவம் கருதி, பெண்கள் ஆர்வத்துடன் விண்ணப்பிக்க அறிவுறுத்தியுள்ளது.கல்வித்தகுதி, வயது, விண்ணப்ப பதிவு உள்ளிட்ட விபரங்களை, www.npcil.nic.inஎன்ற இணையதளத்தில் அறியலாம் என, தெரிவிக்கப்பட்டு உள்ளது.