செங்கையில் 33 பேருக்கு மனை பட்டா

செங்கல்பட்டு:திருப்போரூர் தாலுகாவில், அச்சரவாக்கம், தையூர் பகுதியைச் சேர்ந்த 33 ஆதிதிராவிடர்கள், இலவச வீட்டுமனை பட்டா கேட்டு, கடந்த ஆகஸ்ட் மாதம், கலெக்டரிடம் மனு கொடுத்தனர். இந்த மனுக்கள் மீது நடவடிக்கை எடுக்க, சப்- - கலெக்டருக்கு கலெக்டர் உத்தரவிட்டார்.இதையடுத்து, மேற்கண்ட பகுதியில், 33 பேர் வீடுகளுக்கு சென்று, சப்- - கலெக்டர் நாராயணசர்மா மற்றும் வருவாய்த் துறையினர், ஆய்வு செய்தனர்.ஆய்வுக்குபின், பட்டா வழங்க கலெக்டருக்கு பரிந்துரை செய்தனர். அதன்பின், செங்கல்பட்டு கலெக்டர் அலுவலகத்தில், 33 பேருக்கும் இலவச வீட்டுமனை பட்டாக்களை, கலெக்டர் அருண்ராஜ், நேற்று முன்தினம் வழங்கினார்.இதில், வருவாய்த்துறை அதிகாரிகள் பங்கேற்றனர்.