வெளியில் வராதீங்க...

1 புயல், மழை காரணமாக சென்னை, திருவள்ளூர், காஞ்சிபுரம், செங்கல்பட்டு மாவட்டங்களில், அனைத்து பள்ளி மற்றும் கல்லுாரிகளுக்கும் விடுமுறை அளிக்கப்படுகிறது. மேலும், மாணவர்களுக்கு சிறப்பு வகுப்பு, தேர்வு போன்ற எந்த நிகழ்வுகளும் நடத்த வேண்டாம் என அறிவிக்கப்பட்டுள்ளது2 தகவல் தொழில்நுட்ப நிறுவனங்கள், தங்கள் பணியாளர்களை, இன்று வீட்டில் இருந்து பணிபுரிய அறிவுறுத்தப்பட்டு உள்ளது3 புயல் கரையை கடக்கும்போது, இன்று பிற்பகல், கிழக்கு கடற்கரை சாலை மற்றும் ஓ.எம்.ஆர்., சாலையில், பொது போக்குவரத்து சேவை தற்காலிகமாக நிறுத்தப்படும்4 புயல் கரையை கடக்கும்போது, கனமழைக்கும், புயல் காற்றுக்கும் வாய்ப்புள்ளதால், பொதுமக்கள் அனைவரும் அத்தியாவசியத் தேவை தவிர, இதர பணிகளுக்காக வெளியில் வருவதை கண்டிப்பாக தவிர்த்து, பாதுகாப்புடன் வீடுகளில் இருப்பது அவசியம்5 கடற்கரை, பொழுதுபோக்கு பூங்காக்கள், கேளிக்கை நிகழ்ச்சிகளுக்கு செல்வதை தவிர்க்கும்படி, மாநில பேரிடர் மேலாண்மை ஆணையம் கேட்டு கொண்டுள்ளது. 6 கடந்த காலத்தில், கனமழையில் தண்ணீர் தேங்கியதை கருத்தில் கொண்டு, பரங்கிமலை, அரும்பாக்கத்தில் வாகனங்களை நிறுத்த வேண்டாம் என, மெட்ரோ நிர்வாகம் தெரிவித்துள்ளது. 7 வண்டலுார் உயிரியல் பூங்காவில், பார்வையாளர்கள் வருவதை தடுக்க, பூங்கா மூடப்படுவதாக, அதன் நிர்வாகம் தெரிவித்துள்ளது.