எஸ்.ஆர்.எம்., அணிகள் பால் பேட்மின்டனில் முதலிடம்

சென்னை, எஸ்.ஆர்.எம்., கல்லுாரியின் நிறுவனர் கோப்பைக்கான பல்வேறு விளையாட்டு போட்டிகள், செங்கல்பட்டு, காட்டாங்கொளத்துாரில் உள்ள பல்கலை வளாகத்தில் நடந்து வருகிறது. பால் பேட்மிட்டன் போட்டியில், இருபாலரிலும், தலா 16 அணிகள் பங்கேற்றன. இதில், நேற்று நடந்த இறுதிப் போட்டியில், ஆண்களில் எஸ்.ஆர்.எம்., பொறியியல் 30 - 35, 35 - 30, 35 - 22 என்ற 3 - 0 என்ற செட் கணக்கில், திருச்சி ஜமால் கல்லுாரியை வீழ்த்தி முதலிடத்தை பிடித்தது.தொடர்ந்து, லயோலா மற்றும் பொள்ளாட்சி எஸ்.டி.சி., அணிகள் முறையே, மூன்று மற்றும் நான்காம் இடங்களை வென்றன. அதேபோல், பெண்களுக்கான கூடைப்பந்து போட்டியில், எஸ்.ஆர்.எம்., பொறியியல் அணி, 54 - 37 என்ற கணக்கில் சென்னை வேல்ஸ் அணியை தோற்கடித்து முதலிடத்தை கைப்பற்றியது. தொடர்ந்து எஸ்.ஆர்.எம்., கலை கல்லுாரி மற்றும் வள்ளியமை அணிகள் அடுத்தடுத்த இடங்களை வென்றன.