மாமூல் வசூலித்து அடாவடி பெயிலில் வந்த ரவுடி கைது

ஆதம்பாக்கம் ஆதம்பாக்கம், அம்பேத்கர் நகர், முதல் தெருவை சேர்ந்தவர் லோகேஷ், 20. ஏ பிரிவு ஹிட் லிஸ்ட் ரவுடியான இவர் மீது பல வழக்குகள் உள்ளன.மேலும், பிரபல ரவுடி ராபினின் கூட்டாளியான இவர், சமீபத்தில் கண்டிஷன் பெயிலில் வெளியே வந்தார்.காவல் நிலையத்தில் கையெழுத்திடாமல் தலைமறைவாக இருந்த இவர், கடைகளில் மாமூல் வசூலித்து அட்டகாசத்தில் ஈடுபட்டு வந்தார்.இதையடுத்து, ஆதம்பாக்கம் போலீசார் அவரை தேடி வந்த நிலையில் ஆதம்பாக்கம், பவானி நகரில் ஒரு வீட்டில் பதுங்கியிருப்பதாக தகவல் வந்தது.அங்கு விரைந்த போலீசார், அவரை நேற்று முன்தினம் கைது செய்தனர். மேலும், அவருக்கு அடைக்கலம் கொடுத்த ஹேமகுமார், 21, என்பவரையும் கைது செய்தனர். பின், இருவரையும் நீதிமன்றத்தில் ஆஜர்படுத்தி சிறையில் அடைத்தனர்.