செல்லப்பிராணிகளுக்கு உரிமம் பெற டிச., 7 வரை சிறப்பு முகாம் நீட்டிப்பு

சென்னை: செல்ல பிராணிகள் வைத்திருப்போருக்கு உரிமம், தடுப்பூசி, மைக்ரோ சிப் ஆகியவை வழங்கும் சிறப்பு முகாம், டிச., 7ம் தேதி வரை நீட்டிக்கப்பட்டு உள்ளது. செல்லப்பிராணிகள் வளர்ப்போர் உரிமம் பெறுவது கட்டாயமாக்கப்பட்டு உள்ளது. இதுவரை, 77,707 செல்ல பிராணிகளின் விபரம் பதிவு செய்யப்பட்டுள்ளன. அதில், 33,500 பிராணிகளுக்கு உரிமம் வழங்கப்பட்டு உள்ளது. வேலைக்கு செல்வோர் வசதிக்காக, ஏழு இனக்கட்டுப்பாட்டு மையங்களில், ஞாயிற்றுக்கிழமைதோறும் சிறப்பு முகாம் நடைபெற்று வருகிறது. கடந்த 23ம் தேதியுடன் முடிவுற்ற நிலையில், கூடுதலாக இரண்டு வாரம் நீட்டிக்கப்பட்டு உள்ளது. இதன்படி, இன்று மற்றும் 7ம் தேதி சிறப்பு முகாம் நடைபெறும். இதில், உரிமம், தடுப்பூசி, மைக்ரோ சிப் ஆகியவை இலவசமாக வழங்கப்படும். செல்ல ப் பிராணிகள் வைத்திருப்போர் பயன்படுத்திக்கொள்ள வேண்டும். இவ்வாறு அவர்கள் கூறினர்.