வாலிபால் லீக் போட்டி குமரி, கிருஷ்ணகிரி வெற்றி

சென்னை, தமிழ்நாடு மாநில வாலிபால் சங்கம் சார்பில், எஸ்.என்.ஜே., தமிழ்நாடு வாலிபால் லீக் போட்டிகள், சென்னை மயிலாப்பூரில் உள்ள சாந்தோம் பள்ளியில் நடக்கின்றன.சென்னையில் முதல் முறையாக நடக்கும் இப்போட்டியில், சென்னை ராக்ஸ்டார்ஸ், விழுப்புரம் சூப்பர் கிங்ஸ், கிருஷ்ணகிரி புல்ஸ், விருதுநகர் கிங் மேக்கர்ஸ், குமரி பீனிக்ஸ், கடலுார் ஆகிய ஆறு அணிகள் பலப்பரீட்சை நடத்துகின்றன. போட்டிகள், 'ரவுண்ட் ராபின்' முறையில் நடக்கின்றன.நேற்று முன்தினம் மாலை நடந்த இரண்டாவது நாள் ஆட்டத்தில், குமரி பீனிக்ஸ் மற்றும் விழுப்புரம் சூப்பர் கிங்ஸ் அணிகள் மோதின.இதில், 3 - 2 என்ற கணக்கில், குமரி அணி வெற்றி பெற்றது. மற்றொரு ஆட்டத்தில், கிருஷ்ணகிரி புல்ஸ், 4 - 1 என்ற கணக்கில், விருதுநகர் கிங் மேக்கர்ஸ்அணியை தோற்கடித்தது. போட்டிகள் தொடர்ந்து நடக்கின்றன.