ஓட்டி பார்ப்பது போல ஓட்டி சென்ற திருடன்
கோவை : சிங்காநல்லுார் காமராஜர் சாலையில், செகண்ட்ஹேண்ட் பைக் ஷோரூம் உள்ளது. இங்கு பைக் வாங்குவதற்காக நேற்று முன்தினம் ஒருவர் வந்தார். அங்கிருந்த கே.டி.எம்., - ஆர்.சி., - 390 ரக பைக்கை பார்த்த அவர், பிடித்திருப்பதாக கூறினார். ஓட்டி பார்க்க வேண்டும் என்றார்.ஷோரூம் மேலாளர், பைக்கை கொடுத்து ஊழியர் ஒருவரையும் அவருடன் அனுப்பினார். பைக்கை ஓட்டிச்சென்ற அந்த ஆசாமி, தனியாக ஓட்டிப்பார்க்க வேண்டும் என தெரிவித்து, ஷோரூம் ஊழியரை கீழே இறங்குமாறு தெரிவித்தார். ஊழியர் கீழே இறங்கியதும், பைக்குடன் எஸ்கேப் ஆனார்.மேலாளர் சபரி, 34, புகாரின்படி, சிங்காநல்லுார் போலீசார் விசாரிக்கின்றனர்.