ஆனைமலையில் கொப்பரை ஏலம்

ஆனைமலை,; ஆனைமலையில் நடந்த கொப்பரை ஏலத்தில், கிலோவுக்கு அதிகபட்சமாக, 245.50 ரூபாய் விலை கிடைத்தது.ஆனைமலை ஒழுங்குமுறை விற்பனை கூடத்தில், கண்காணிப்பாளர் செந்தில்முருகன் தலைமையில் கொப்பரை ஏலம் நடந்தது.முதல் தர கொப்பரை, 38 மூட்டைகள் ஏலம் விடப்பட்டதில், கிலோவுக்கு, 238 ரூபாய் முதல், அதிகபட்சமாக 245.50 ரூபாய் வரை விலை கிடைத்தது.இரண்டாம் தர கொப்பரை, 81 மூட்டைகள் ஏலம் விடப்பட்டதில், கிலோவுக்கு, 90 ரூபாய் முதல், அதிகபட்சமாக 225 ரூபாய் வரை விலை கிடைத்தது. மொத்தம், 119 கொப்பரை மூட்டைகளை, 28 விவசாயிகள் கொண்டு வந்தனர்; ஏழு வியாபாரிகள் ஏலத்தில் பங்கேற்றனர்.இந்த வாரம், 10.17 லட்சம் ரூபாய் மதிப்பிலான, 53.55 குவிண்டால் கொப்பரை ஏலத்துக்கு கொண்டு வரப்பட்டது. 'இ-நாம்' முறையில் ஏலம் நடப்பதால், விவசாயிகள் கொண்டு வரும் கொப்பரைக்கு, இடைத்தரகர்கள் இனறி, வியாபாரிகள் நேரடியாக விலை நிர்ணயிக்கின்றனர். அதனால், விவசாயிகள் பயன்படுத்திக்கொள்ள வேண்டும்.இத்தகவலை விற்பனை கூட கண்காணிப்பாளர் தெரிவித்தார்.