ஊட்டி உருளைக்கிழங்கு விலை உயர்வு

மேட்டுப்பாளையம்; மேட்டுப்பாளையத்தில் ஊட்டி உருளைக்கிழங்குகள் விலை உயர்ந்து, மூட்டை ஒன்று ரூ.2,240க்கு விற்பனை ஆனது.மேட்டுப்பாளையம் நெல்லித்துறை சாலையில், நீலகிரி கூட்டுறவு விற்பனைச் சங்கம், செயல்பட்டு வருகிறது. இங்கு, நீலகிரி மாவட்டத்தின் பல்வேறு இடங்களில் உற்பத்தி செய்யப்படும் உருளைக்கிழங்குகள் ஏலம் விடப்பட்டு விற்பனை செய்யப்படுகிறது.கடந்த சில நாட்களாக 45 கிலோ எடை கொண்ட ஒரு மூட்டை, ஊட்டி உருளைக்கிழங்கு ரூ.1,800 முதல் ரூ. 2,000 வரை விற்பனை ஆனது. தற்போது விலை உயர்ந்து விற்பனையாகி வருகிறது.இதுகுறித்து, கூட்டுறவு விற்பனை சங்க அதிகாரி ஒருவர் கூறுகையில், 'ஊட்டி உருளைக்கிழங்குகள் வரத்து நேற்று குறைந்ததால் விலை உயர்ந்து விற்பனை ஆனது. ஊட்டி கிழங்குகள் அதிகபட்சமாக ரூ.2,240 க்கு விற்பனை ஆனது. சுமார் 525 மூட்டைகள் லோடு வந்தன,' என்றார்.