மருதமலை உண்டியலில் ரூ.84.48 லட்சம் காணிக்கை

வடவள்ளி: மருதமலை சுப்பிரமணிய சுவாமி கோவில் உண்டியலில், 84.48 லட்சம் ரூபாய் பக்தர்கள் காணிக்கையாக கிடைத்தது. மருதமலை சுப்பிரமணியசுவாமி கோவிலில் உண்டியல் எண்ணும் பணி நேற்று நடந்தது. இதில், நிரந்தர உண்டியலில், 80,02,563 ரூபாயும், திருப்பணி உண்டியலில், 1,29,489 ரூபாயும்; கோசாலை உண்டியலில், 3,16,435 என, மொத்தம், 84,48,487 ரூபாய் இருந்தது. அதோடு, 43 கிராம் 100 மி.கி., தங்கமும்; 6 கிலோ 811 கிராம் வெள்ளியும்; 18 கிலோ 175 கிராம் பித்தளையும் இருந்தது. மருதமலை சுப்பிரமணிய சுவாமி கோவில் தக்கார் ஜெயகுமார், துணை கமிஷனர் செந்தில்குமார், ஆனைமலை மாசாணியம்மன் கோவில் செயல் அலுவலர் முத்துராமலிங்கம் ஆகியோர் உண்டியல் எண்ணும் பணியை மேற்பார்வையிட்டனர். உண்டியல் எண்ணும் பணியில் பக்தர்கள் ஈடுபட்டனர்.