மாநில அளவிலான தடகளம்; கோவை அணி முதலிடம்

கோவை;தமிழ்நாடு தடகள சங்கத்தின், இரண்டாம் ஆண்டு 'தமிழ்நாடு மாநில மத்திய மற்றும் நீண்ட துார தடகள சாம்பியன்ஷிப்' போட்டிகள், கோவை நேரு ஸ்டேடியத்தில் கடந்த இரண்டு நாட்களாக நடந்தன.இதில் பல்வேறு எடைப்பிரிவுகளில், 800மீ., 2000மீ., 3000மீ., 1500மீ., 10,000மீ., 5கிமீ., நடையோட்டம், 3 கிமீ., நடையோட்டம், ஓட்டம், 10 கிமீ., நடையோட்டம் போன்ற மத்திய மற்றும் நீண்ட துார தடகளப்போட்டிகள் நடத்தப்பட்டன.மாநிலத்தில் பல்வேறு பகுதிகளில் இருந்து, 500க்கும் மேற்பட்ட வீரர் - வீராங்கனைகள் போட்டியிட்டனர். இதில் கோவையை சேர்ந்த ஜெனசிஸ் பவுண்டேஷன் அணி ஒட்டுமொத்த சாம்பியன்ஷிப் பட்டத்தை வென்றது. இரண்டாமிடத்தை, தமிழ்நாடு விளையாட்டு மேம்பாட்டு ஆணைய அணியும், மூன்றாமிடத்தை பெர்பாமன்ஸ் அதலெடிக் கிளப் அணியும் பிடித்தன.வெற்றி பெற்றவர்களுக்கு, பரிசுகள் வழங்கப்பட்டன.