வாக்காளர் பட்டியலில் காலமானார் எண்ணிக்கை ஒரு லட்சத்தை கடந்தது

கோவை: மாவட்டத்திலுள்ள பத்து தொகுதிகளிலும் சேர்த்து, காலமான வாக்காளர்களின் எண்ணிக்கை, ஒரு லட்சத்தை தாண்டியது. இதில் கொரோனா கால கட்டத்தில், காலமானோர் எண்ணிக்கையே அதிகம். கோவை மாவட்டத்தில் தற்போது வாக்காளர் கணக்கெடுப்பின் படி, 25,74,608 பேர் மொத்த வாக்காளர்கள், இதில் ஆண்கள், 12,43,282 பேர் பெண்கள், 13,30,807 பேர், திருநங்கையர், 519 பேர். கொரோனா காலகட்டத்தில் மாவட்டத்திலுள்ள, பத்து சட்டசபை தொகுதிகளிலும் சேர்த்து, 1,19,489 பேர் காலமானதாக, வாக்காளர் கணக்கெடுப்பு புள்ளிவிவரங்கள் தெரிவிக்கின்றன. காலமானவர்கள் விபரம் மேட்டுப்பாளையத்தில், 13,818, சூலுாரில், 10,624, கவுண்டம்பாளையத்தில், 13,864, கோவை வடக்கில், 14,543, தொண்டாமுத்துாரில், 9,490, கோவை தெற்கில், 10,208, சிங்காநல்லுாரில், 16,628, கிணத்துக்கடவில், 14,726, பொள்ளாச்சியில், 8,786, வால்பாறையில், 6,782 பேர் என்று மொத்தம், 1,19,489 பேர்.