தடுப்பு கட்டையில் கார் மோதி 4 பேர் படுகாயம்

பரங்கிப்பேட்டை: பரங்கிப்பேட்டை அருகே நான்கு வழிச்சாலை தடுப்பு கட்டையில் கார் மோதிய விபத்தில் 4 பேர் படுகாயமடைந்தனர்.ஆந்திரா மாநிலம் நெல்லுார் தெலுங்கா தெருவை சேர்ந்தவர் பிருத்திவி, 25; இவரது, மனைவி சகுந்தலா, 22; மற்றும் நண்பர்கள் ஸ்ரீ காந்த், 27; ஆகியோர் ஹூண்டாய் கிரிட்டா காரில் நெல்லுாரியில் இருந்து வேளாங்கண்ணி கோவிலுக்கு சென்றனர். காரை, நெல்லுரை சேர்ந்த சோனுகுமார், 26; ஓட்டிச்சென்றார்.கார், பரங்கிப்பேட்டை அடுத்த தீர்த்தாம்பாளையம் நான்கு வழிச்சாலையில் சென்றபோது, சாலை தடுப்பு கட்டையில் மோதியது. இந்த விபத்தில் நான்கு பேரும் படுகாயமடைந்து, சிதம்பரம் அண்ணாமலைநகர் அரசு மருத்துவக்கல்லுாரி மருத்துவமனையில் சேர்க்கப்பட்டனர்.பரங்கிப்பேட்டை சப் இன்ஸ்பெக்டர் துரை வழக்கு பதிந்து, விசாரித்து வருகிறார்.