விருத்தகிரிகுப்பம் - நறுமணம் சாலை சீரமைக்கப்படுமா

விருத்தாசலம் : குண்டும், குழியுமாக போக்குவரத்திற்கு லாயக்கற்ற நிலையில் உள்ள விருத்தகிரிகுப்பம் - நறுமணம் கிராம இணைப்பு சாலையை சீரமைக்க நடவடிக்கை வேண்டும்.விருத்தாசலம் அடுத்த விருத்தகிரிகுப்பம் - நறுமணம் கிராம இணைப்பு சாலை வழியாக லாரி, வேன், டெம்போ, பைக் உள்ளிட்ட ஆயிரத்திற்கும் மேற்பட்ட வாகனங்கள் தினசரி சென்று வருகின்றன.இந்த சாலை போடப்பட்டு 10 ஆண்டுகளுக்கு மேல் ஆவதால், சாலை முழுவதும் தற்போது ஜல்லிகள் பெயர்ந்து போக்குவரத்திற்கு லாயக்கற்ற நிலையில் உள்ளது. இதனால், சாலையில் செல்லும் வாகன ஓட்டிகள் கடும் அவதியடைகின்றனர்.எனவே, வாகன ஓட்டிகள் நலன் கருதி, குண்டும் குழியுமாக போக்குவரத்திற்கு லாயக்கற்ற நிலையில் உள்ள விருத்தகிரிகுப்பம் - நறுமணம் கிராம இணைப்பு சாலையை சீரமைக்க நடவடிக்கை எடுக்க வேண்டும்.