தினமலர் - பட்டம் வினாடி வினா போட்டி ஜெயப்பிரியா பள்ளி மாணவர்கள் ஆர்வம்

மந்தாரக்குப்பம்: விருத்தாசலம் ஜெயப்பிரியா வித்யாலாயா சி.பி.எஸ்.இ., பள்ளியில் புதுச்சேரி 'தினமலர் - பட்டம் ' இதழ், ஆச்சார்யா கல்விக் குழுமம் இணைந்து நடத்திய மெகா வினாடி வினா போட்டியில் வெற்றி பெற்ற மாணவர்களுக்கு சான்றிதழ் மற்றும் கேடயம் வழங்கப்பட்டது.புதுச்சேரி 'தினமலர் - பட்டம்' இதழ், ஆச்சார்யா கல்வி குழுமம் இணைந்து 'பதில் சொல்; அமெரிக்கா செல்' என்ற மெகா வினாடி வினா போட்டி பள்ளிகளில் நடத்தப்பட்டு வருகிறது. அதன் படி விருத்தாசலம் ஜெயப்பிரியா வித்யாலாயா சி.பி.எஸ்.இ., பள்ளியில் நேற்று நடந்த வினாடி வினா போட்டியில், 500 க்கும் மேற்பட்ட மாணவர்கள் பங்கேற்றனர். இதில் 16 மாணவர்கள் தேர்வு செய்யப்பட்டு, 8 குழுக்களாக பிரிக்கப்பட்டு தகுதி சுற்று நடந்தது.போட்டி துவக்க நிகழ்ச்சிக்கு பள்ளி முதல்வர் நித்தியா தலைமை தாங்கினார். போட்டியின் இறுதியில் பிளஸ்1 மாணவர்கள் அஜய்தாமஸ், சுதன்ராஜா அணி முதலிடமும், 9ம் வகுப்பு மாணவர்கள் ஸ்வேதா, சுஜித்ரா அணி இரண்டாம் இடம் பிடித்தனர்.வெற்றி பெற்ற மாணவர்களுக்கு ஜெயப்பிரியா பள்ளி கல்வி குழும இயக்குநர் விக்னேஷ் சான்றிதழ், கேடயம் மற்றும் பதக்கங்களை வழங்கி பாராட்டினார்.வினாடி-வினா போட்டியில் பங்கேற்ற அனைத்து மாணவர்களுக்கும் சான்றிதழ் வழங்கப்பட்டது.பள்ளி அளவில் வெற்றி பெற்ற இரு அணிகளும் மெகா வினாடி வினா போட்டியில் பங்கேற்க தேர்வாகினர்.இறுதி போட்டியில் வெற்றி பெறும் மாணவர்கள், அமெரிக்காவின் விண்வெளி ஆய்வு நிறுவனமான 'நாசா 'வுக்கு அழைத்து செல்லப்படுவர். போட்டியில் ஆசிரியர்கள், மாணவர்கள் உட்பட பலர் பங்கேற்றனர்