முதியவரிடம் நகை பறித்த மூவருக்கு வலை

நடுவீரப்பட்டு : பண்ருட்டி அருகே கீழே விழுந்த முதியவரை துாக்குவதுபோல் நடித்து நகையை பறித்துச் சென்ற 3 பேரை போலீசார் தேடி வருகின்றனர்.விழுப்புரம் அடுத்த கஞ்சனுாரை சேர்ந்தவர் நாகப்பன், 64; இவர் நேற்று முன்தினம் இரவு கடலுார் கூத்தப்பாக்கத்தில் உள்ள தனது மகள் வீட்டிற்கு சென்று விட்டு பைக்கில் வீட்டிற்கு திரும்பி சென்று கொண்டிருந்தார். பண்ருட்டி அருகே கண்டரக்கோட்டை பாலத்தில் சென்றபோது நாகப்பன் தடுமாறி விழுந்தார்.பைக்கில் வந்த 3 நபர்கள், கீழே விழுந்த நாகப்பனை துாக்கி விடுவது போல் உதவி செய்து, நாகப்பன் கையில் போட்டிருந்த ஒன்றரை சவரன் கை செயினை பறித்துக்கொண்டு தப்பி சென்றனர்.இதுகுறித்து பண்ருட்டி போலீசில் நாகப்பன் கொடுத்த புகாரில் போலீசார் வழக்கு பதிந்து மர்ம நபர்களை தேடி வருகின்றனர்.