அறிவியல் பயிற்சி உபகரணம் வழங்கல்
கிள்ளை: கிள்ளை, கலைஞர் நகர் ஊராட்சி ஒன்றிய நடுநிலைப் பள்ளியில் இந்திய கிராமப்புற கல்வி ஏவுதள மையம் சார்பில் அறிவியல் பயிற்சி உபகரணங்கள் வழங்கும் விழா நடந்தது. துணை சேர்மன் கிள்ளை ரவீந்திரன் தலைமை தாங்கி, மாணவர்களுக்கு அறிவியல் பயிற்சி உபகரணங்கள் மற்றும் ஏழை பெண்களுக்கு 5 தையல் இயந்திரங்கள் வழங்கினார். உமா சுரேஷ் முன்னிலை வகித்தார். தலைமை ஆசிரியர் உமா வரவேற்றார். விழாவில், ஆசிரியர்கள் ராஜ்குமார், உமா மகேஸ்வரி, சரண் ரஞ்சினி, பரிசுத்த மேரி மற்றும் நிறுவன உறுப்பினர்கள் அன்புமணி, ஆதிரை உட்பட பலர் பங்கேற்றனர். ஆசிரியர் மணிமாறன் நன்றி கூறினார்.