நண்டுபட்டி : திண்டுக்கல் மாவட்டத்தை சேர்ந்த முருகலட்சுமி உயர்நீதிமன்ற மதுரைக் கிளையில் தாக்கல் செய்த மனு:நண்டுபட்டி ஊராட்சி குருநாதநாயக்கனுாரில் சேர்வைக்கூரான் குளம் நீர்நிலை உள்ளது. இதிலுள்ள ஆக்கிரமிப்புகளை அகற்றக்கோரி கலெக்டர், ஆர்.டி.ஓ., தாசில்தாருக்கு மனு அனுப்பினேன். பரிசீலிக்க உத்தரவிட வேண்டும். இவ்வாறு குறிப்பிட்டார்.நீதிபதிகள் ஜி.ஆர்.சுவாமிநாதன், பி.புகழேந்தி அமர்வு விசாரித்தது.அரசு தரப்பு: குறிப்பிட்ட சர்வே எண்களிலுள்ள குளம் நீர்நிலை என வகைப்படுத்தப்பட்டுள்ளது. அளவீடு செய்யப்படும். ஆக்கிரமிப்பு இருந்தால் அகற்றப்படும். இவ்வாறு உத்தரவாதம் அளிக்கப்பட்டது. இதை பதிவு செய்த நீதிபதிகள்: மேலும் உத்தரவு பிறப்பிக்கத் தேவையில்லை. வழக்கு பைசல் செய்யப்படுகிறது. இவ்வாறு உத்தரவிட்டனர்.
மதுரை மாவட்ட நீதிமன்றம், மதுரை மாநகராட்சி அலுவலகம், சென்னை உயர் நீதிமன்றத்தின் மதுரை கிளை ஆகியவை அனைத்தும் நீர்நிலையை ஆக்கிரமித்து கட்டபட்டவையே
தமிழ்நாட்டில் உள்ள அனைத்தும் நீர் பிடிப்பு பகுதியிலும் அக்கரமிப்புகள் அகற்ற வேண்டும் கோர்ட் இதற்கு உறுதியாக இருக்க வேண்டும் அதாவது நீதிமன்றம் சட்ட ரீதியாக நடவடிக்கை எடுக்க வேண்டும் நன்றி