செக்யூரிட்டிகளுக்கு விழிப்புணர்வு கூட்டம்

ஈரோடு; ஈரோட்டில் மாவட்ட போலீசார் சார்பில் தனியார் பள்ளி செக்யூரிட்டிகள் (காவலாளிகள்) பாதுகாப்பு குறித்து விழிப்புணர்வு முகாம் நடந்தது. ஈரோடு டவுன் டி.எஸ்.பி., முத்துக்குமார் தலைமை வகித்து பேசியதாவது: பள்ளி மாணவ - -மாணவிகள் போக்சோ வழக்-குகளில் சிக்குகின்றனர். பள்ளிக்கு வருவதாக கூறி, பள்ளியில் இருந்து வெளியே செல்கின்-றனர். அவர்களை நமது குழந்தைகளாக பாவித்து, அவர்கள் நடவடிக்கையை சரி செய்யவும், அவர்கள் குறித்து தகவலை தலைமையாசிரியர்-களுக்கு, செக்யூரிட்டிகள் தெரியப்படுத்த வேண்டும்.வேறு ஏதேனும் அசம்பாவிதம் நடக்க வாய்ப்பு இருப்பதாக கருதினால் மாவட்ட காவல் துறை கட்டுப்பாட்டு அறைக்கு '100' எண்ணை தொடர்பு கொண்டு தகவல் தெரிவிக்கலாம். சிங்கப்பெண் அதிரடிப்படைக்கும் தகவல் தெரிவிக்கலாம்.வங்கிகள் மற்றும் வணிக நிறுவனங்கள், கடை-களின் இரவு செக்யூரிட்டியாக இருப்பவர்கள், விழிப்புடன் இருக்க வேண்டும். சில இடங்களில் போதை பழக்கத்திற்கு அடிமையாகும் இளை-ஞர்கள் கும்பலாக சேர்ந்து காவலாளிகளை தாக்கி, கொலை செய்து பணத்தை கொள்ளையடித்து செல்கின்றனர். சந்தேக நபரை அடையாளம் கண்டால் உடனடியாக காவல் துறைக்கு தகவல் தெரிவிக்க வேண்டும். இவ்வாறு பேசினார். இதில், 50க்கும் மேற்பட்ட செக்யூரிட்டிகள் கலந்து கொண்டனர்.