இன்று முதல் 29ம் தேதி வரை உங்களுடன் ஸ்டாலின் முகாம்

ஈரோடுஈரோடு மாவட்டத்தில் 'உங்களுடன் ஸ்டாலின்' திட்ட முகாம் இன்று முதல், 29ம் தேதி வரை தினமும் காலை, 9:00 முதல் மதியம், 3:00 மணி வரை நடக்க உள்ளது.இன்று ஈரோடு மாநகராட்சி மண்டலம்-2 - சம்பத் நகர் கொங்கு கலையரங்கம், பவானி நகராட்சி - பாலாஜி பத்மாவதி திருமண மண்டபம், பள்ளபாளையம் டவுன் பஞ்., - தங்கமேடு காஞ்சிகோவில் சாலை கவி மஹால், நெரிஞ்சிபேட்டை - சின்னப்பள்ளம் சர்ச் மண்டபம், மொடக்குறிச்சி எல்லக்கடை பொன்தாமரை மஹால், சத்தியமங்கலம் - சதுமுகை சவுடேஸ்வரியம்மன் மண்டபம், வரும், 28 ல் ஈரோடு மாநகராட்சி மண்டலம் - 1 - வீரப்பன்சத்திரம் பாவேந்தர் வீதி கொங்கு வேளாளர் திருமண மண்டபம், கோபி நகராட்சி - பச்சைமலை சாலை கம்பன் கலையரங்கம் திருமண மண்டபம், அரச்சலுார் - ஓடாநிலை சமுதாய கூடம், வெள்ளோட்டம் பரப்பு நடுப்பாளையம் சமுதாய கூடம், பவானிசாகர் உத்தமர் தியாகி ஐயா எம்.ஏ.ஈஸ்வரன் அரங்கம், வடமுகம் வெள்ளோடு தச்சங்கரை வழி, இருச முதலியார் குல பங்காளிகள் கூடத்தில் முகாம் நடக்க உள்ளது.வரும், 29ல் ஈரோடு மாநகராட்சி மண்டலம் - 3 ல் ஜெகநாதபுரம் ஆர்ச் அருகே ஜனதாபுரம் சமுதாய கூடம், சத்தியமங்கலம் நகராட்சி - நிர்மலா தியேட்டர் சாலை வன்னியர் மஹால், பெத்தாம்பாளையம் ஆண்டவர் திருமண மண்டபம், ஆப்பக்கூடல் சுவாமி அபேதானந்தா திருமண மண்டபம், வேளாண்டம்பாளையம் பெருமாள் கோவில் மண்டபம், மொடச்சூர் வேட்டைக்காரன் கோவில் ஸ்ரீவாசு சென்னியப்ப மஹாலில் முகாம் நடக்க உள்ளது.