கண் சிகிச்சை முகாம்

கள்ளக்குறிச்சி: கள்ளக்குறிச்சி ரோட்டரி சங்கம், கோவை சங்கரா கண் மருத்துவ மையம், மாவட்ட பார்வை இழப்பு தடுப்பு சங்கம் சார்பில் இலவச கண் சிகிச்சை முகாம் நடந்தது. ரோட்டரி சங்க நுாற்றாண்டு மண்டபத்தில் நடந்த முகாமிற்கு, ரோட்டரி சங்கத் தலைவர் பாலகிருஷ்ணன் தலைமை தாங்கினார். செயலாளர் பிரகாஷ் முன்னிலை வகித்தார். பொருளாளர் முருகன் வரவேற்றார். முகாமிற்கு, நிதியுதவி வழங்கிய அண்ணாமலை ரியல்டர்ஸ் நடராஜன் மற்றும் ஏ.என்.பி., ஜூவல்லர்ஸ் பாலாஜி ஆகியோர் கவுரவிக்கப்பட்டனர். ரோட்டரி மாவட்ட ஆளுநர் (தேர்வு) செந்தில்குமார், துணை ஆளுநர் மூர்த்தி வாழ்த்தி பேசினார். தொடர்ந்து கோவை சங்கரா கண் மருத்துவ மைய டாக்டர் ஐஸ்வர்யா குழுவினர் முகாமில் பங்கேற்ற 220 பேருக்கு கண் பரிசோதனை செய்தனர். அதில் 77 பேர் அறுவை சிகிச்சைக்கு பரிந்துரைக்கப்பட்டு கோவை சங்கரா கண் மருத்துவமனையில் இலவச அறுவை சிகிச்சைக்காக அழைத்து செல்லப்பட்டனர். முகாமிற்கான பணிகளை ரோட்டரி நிர்வாகிகள் கந்தசாமி, பாண்டியன், மூர்த்தி, சேகர், முத்துராமலிங்கம், பாபு ஆகியோர் மேற்கொண்டனர்.