கள்ளக்குறிச்சி கமிட்டியில் ரூ.6.86 லட்சத்திற்கு வர்த்தகம்

கள்ளக்குறிச்சி; கள்ளக்குறிச்சி மார்க்கெட் கமிட்டியில் நேற்று 6.86 லட்சம் ரூபாய்க்கு வர்த்தகம் நடந்தது. கள்ளக்குறிச்சி மார்க்கெட் கமிட்டிக்கு நேற்று மக்காச்சோளம் 240 மூட்டை, எள் 55, சிவப்பு சோளம் 5, கம்பு 3, தலா ஒரு மூட்டை தேங்காய் பருப்பு, வரகு என 305 மூட்டை விளை பொருட்களை விற்பனைக்கு கொண்டு வரப்பட்டது. சராசரியாக ஒரு மூட்டை மக்காச்சோளம் 2,459 ரூபாய்க்கும், எள் 6,040 சிவப்பு சோளம் 3,849, கம்பு 2,759, தேங்காய் பருப்பு 17,383, வரகு 2,199 ரூபாய்க்கு கொள்முதல் செய்யப்பட்டது. கமிட்டியில் மொத்தமாக நேற்று ஒரு நாள் மட்டும், 6 லட்சத்து 86 ஆயிரத்து 378க்கு வர்த்தகம் நடந்தது. தியாகதுருகம் கமிட்டியில் நெல் 475 மூட்டை, மக்காசோளம் 16, கம்பு 8, எள் 2 மூட்டை என மொத்தம் 501 மூட்டை விளைபொருட்கள் விற்பனைக்கு கொண்டு வந்தனர். சராசரியாக நெல் 2,400 ரூபாய்க்கும், மக்காசோளம் 2,510, கம்பு 2,570, எள் 8,400 ரூபாய்க்கு என 9 லட்சத்து 80 ஆயிரத்து 741 ரூபாய்க்கு வர்த்தகம் நடந்தது. சின்னசேலம் மார்க்கெட் கமிட்டியில் நேற்று விளைபொருட்கள் வரத்து இல்லாததால் வர்த்தகம் எதுவும் நடக்கவில்லை.