சமையல் கூடங்களுக்கு நிதி ஒதுக்கீடு

உத்திரமேரூர், சாலவாக்கம் ஒன்றிய தொடக்கப்பள்ளியில், 100க்கும் மேற்பட்ட மாணவர்கள் படித்துவருகின்றனர்.இங்கு, மாணவர்களுக்கு உணவு சமைக்க சமையல்கூடம் இல்லாததால், கொட்டகை அமைத்து சமைத்து வந்தனர்.எனவே, புதிய கூடம் அமைக்க பெற்றோர்கோரிக்கை விடுத்துவந்தனர்.அதன்படி, புதிய சமையல் கூடம் அமைக்க, 2024 --- 25ம் நிதி ஆண்டில், எம்.ஜி.ஆர்., சத்துணவுகூட மேம்பாடு திட்டத்தின்கீழ், 7.56 லட்சம் ரூபாய் ஒதுக்கீடு செய்யப்பட்டு உள்ளது.அதேபோல, மலையாங்குளம் ஆதிதிராவிடர் நல தொடக்கப் பள்ளியில், பழுதடைந்த சமையல்கூடத்தை அகற்றி, புதிய சமையல் கூடம் கட்ட, 2024 --- 25ம் நிதி ஆண்டில், எம்.ஜி.ஆர்., சத்துணவு கூட மேம்பாடு திட்டத்தின் கீழ், 7.56 லட்சம் ரூபாய் ஒதுக்கீடு செய்யப்பட்டுள்ளது குறிப்பிடத்தக்கது.இதற்கான பணிகள் விரைவில் துவங்க உள்ளதாக, துறை அதிகாரிகள் தெரிவித்தனர்.