தினமலர் செய்தி எதிரொலி: பெரியகரும்பூரில் பஸ் நிறுத்தத்தில் மின் விளக்கு பொருத்தம்

காஞ்சிபுரம்;நம் நாளிதழில் வெளியான செய்தியை தொடர்ந்து, பெரியகரும்பூர் பேருந்து நிறுத்தத்தில், மின் விளக்கு வசதியை நெடுஞ்சாலைத் துறையினர் அமைத்து உள்ளனர். செங்கல்பட்டு - காஞ்சிபுரம் - திருத்தணி வரையில், 85 கி.மீ., இருவழி சாலை உள்ளது. இந்த இருவழி சாலை, சென்னை - கன்னியாகுமரி சாலை விரிவாக்க திட்டத்தில், நான்குவழி சாலையாக விரிவுபடுத்தும் பணி நடந்து வருகிறது. காஞ்சிபுரம் - -அரக்கோணம் இடையே விரிவுபடுத்தப்பட்டுள்ள நான்குவழி சாலை ஓரத்தில், பெரிய கரும்பூர் பேருந்து நிறுத்தத்தில், மின் விளக்கு அமைக்கவில்லை. இதுகுறித்தான செய்தி நம் நாளிதழில் வெளியானதையடுத்து, நெடுஞ்சாலைத் துறையினர் பெரியகரும்பூர் பேருந்து நிறுத்தம் அருகே, மின் விளக்குகள் அமைத்து உள்ளனர்.