குண்டும், குழியுமாக காசிம் தெரு சாலை

கரூர் : கரூர் காமராஜ் தினசரி மார்க்கெட் எதிரே சாலை, பல மாதங்களாக குண்டும், குழியுமாக உள்ளது. இதனால், வாகன ஓட்டிகள் பெரும் அவதிப் படுகின்றனர்.கரூர் மாநகராட்சி காமராஜ் தினசரி மார்க்கெட் எதிரே உள்ள, காசிம் தெரு சாலையில் ஏராளமான குடியிருப்புகள் உள்ளன. இச்சாலை, பல மாதங்களாக குண்டும், குழியுமாக உள்ளது. இதுகுறித்து, அந்த பகுதியை சேர்ந்தவர்கள், கரூர் மாநகராட்சி அலுவலகத்தில் புகார் தெரிவித்தும், அதிகாரிகள் கண்டு கொள்ளாமல் உள்ளனர். மழைக்காலங்களில் குண்டும், குழியுமான சாலையில், தண்ணீர் தேங்கி நிற்பதால், வாகன ஓட்டிகள் தடுமாறி கீழே விழுந்து காயமடைகின்றனர். சாலையை உடனடியாக, பராமரிக்க அதிகாரிகள் நடவடிக்கை எடுக்க வேண்டும்.