அண்ணாதுரை பிறந்த நாள் விழா கரூரில் இன்று சைக்கிள் போட்டி

கரூர், முன்னாள் முதல்வர் அண்ணாதுரை பிறந்த நாளை முன்னிட்டு, இன்று சைக்கிள் போட்டி நடக்கிறது என, கலெக்டர் தங்கவேல் தெரிவித்துள்ளார்.இது குறித்து, அவர் வெளியிட்ட அறிக்கை:கரூர் மாவட்ட விளையாட்டு மைதானத்தில், தமிழ்நாடு விளையாட்டு மேம்பாட்டு ஆணையத்தின் சார்பில், முன்னாள் முதல்வர் அண்ணாதுரை பிறந்த தினத்தை முன்னிட்டு இன்று காலை, 7:00 மணிக்கு சைக்கிள் போட்டி நடக்கிறது. மாணவர், மாணவியர் இருபாலருக்கும், 3 பிரிவுகளாக நடத்தப்பட உள்ளது. 13 வயதிற்குட்பட்ட மாணவியர்,- 10 கி.மீ. துாரம், 13 வயதிற்குட்பட்ட மாணவர்கள், 15 கி.மீ., 17 வயதிற்குட்பட்ட மாணவியர்,- 15 கி.மீ., 17 வயதிற்குட்பட்ட மாணவர்கள்,- 20 கி.மீ., துாரம் என போட்டி நடத்தப்படுகிறது. இதில் பங்கேற்கும மாணவ, மாணவியர் இந்தியாவில் தயாரான சாதாரண சைக்கிளை மட்டுமே பயன்படுத்த வேண்டும். இவ்வாறு, அதில் கூறப்பட்டுள்ளது.