குண்டும், குழியுமான கள்ளப்பள்ளி தெற்கு சாலை

கிருஷ்ணராயபுரம்: லாலாப்பேட்டை, கள்ளப்பள்ளி தெற்கு சாலை குண்டும், குழி-யுமாக இருப்பதால் வாகன ஓட்டிகள் அவதிக்குள்ளாகின்றனர்.கிருஷ்ணராயபுரம் அடுத்த கள்ளப்பள்ளி பஞ்., தெற்கு பகுதி கிராமத்திற்கு தார்ச்சாலை செல்கிறது. இந்த சாலை வழியாக மக்கள் விளை நிலங்களுக்கு வாகனங்களில் செல்கின்றனர். மேலும் அறுவடை செய்யப்படும் வாழைத்தார், வெற்றிலை மூட்-டைகள் வாகனங்களில் எடுத்து சென்று வருகின்றனர். சாலை பல இடங்களில் ஜல்லிகள் பெயர்ந்து குண்டும், குழியுமாக இருப்-பதால், விவசாயிகள் அவஸ்தைக்கு ஆளாகின்றனர். மேலும், சாலையில் மண் அரிப்பு ஏற்பட்டு குறுகிய நிலையில் உள்ளது. இரவு நேரங்களில் மக்கள் செல்லும் போது விபத்தில் சிக்கும் அபாயம் ஏற்படுகிறது. எனவே, இந்த சாலையை புதுப்பிக்க, பஞ்., நிர்வாகம் தேவையான நடவடிக்கை எடுக்க வேண்டும்.