அரசு பள்ளி மாணவர்களுக்கு விலையில்லா சைக்கிள் வழங்கல்

கிருஷ்ணகிரி : காவேரிப்பட்டணம் அரசு ஆண்கள் மேல்நிலைப் பள்ளியில், அரசின் விலையில்லா சைக்கிள் வழங்கும் விழா நடந்தது. பி.டி.ஏ., தலைவர் பாபு தலைமை வகித்தார். உதவி தலைமை ஆசிரியர் பவுன்ராஜ் வரவேற்றார். தலைமை ஆசிரியர் வேந்தன் முன்னிலை வகித்தார். நிகழ்ச்சியில் கிருஷ்ணகிரி, தி.மு.க., கிழக்கு மாவட்ட செயலாளர் மதியழகன் எம்.எல்.ஏ., 246 மாணவர்களுக்கு சைக்கிள் வழங்கி பேசினார். தொடர்ந்து பள்ளியில் முதலிடம் பிடித்த மாணவர்கள், சிறந்த முறையில் பணியாற்றிய ஆசிரியர்களுக்கு பாராட்டு சான்றிதழ் மற்றும் நினைவு பரிசுகள் வழங்கப்பட்டன.மாவட்ட ஊராட்சி குழு தலைவர் மணிமேகலை நாகராஜ், காவேரிபட்டணம் டவுன் பஞ்., தலைவர் அம்சவேணி செந்தில்குமார், தொழிலதிபர் சீனிவாசன் உள்பட பலர் கலந்து கொண்டனர்.