கரூர் மாவட்டத்தில் இன்று ரேஷன் குறைதீர் கூட்டம்

கரூர்: கரூர் மாவட்டத்தில், ரேஷன் குறைதீர் கூட்டம் இன்று நடக்கிறது என, கலெக்டர் தங்கவேல் தெரிவித்துள்ளார். இது குறித்து, அவர் வெளியிட்டுள்ள அறிக்கையில் கூறியிருப்பதாவது:கரூர் மாவட்டத்தில், பொது வினியோக திட்டத்தில் ரேஷன் அட்டைதாரர்கள் பெயர் சேர்த்தல், நீக்கல், திருத்தம், புதிய அட்டை கோருதல் உள்ளிட்ட குறைகளை நிவர்த்தி செய்யும் பொருட்டு குறைதீர் கூட்டம் இன்று (சனிக்கிழமை) நடக்கிறது.கரூர், அரவக்குறிச்சி, மண்மங்கலம், புகழூர், குளித்தலை, கிருஷ்ணராயபுரம், கடவூர் வட்ட வழங்கல் அலுவலகங்களில், சம்பந்தப்பட்ட வட்ட வழங்கல் அலுவலர் தலைமையில் குறைதீர் கூட்டம் நடக்கிறது. எனவே பொதுமக்கள், குறைதீர் கூட்டத்தில் கலந்து கொண்டு, பொது வினியோகத்திட்டம் தொடர்பான தங்களது குறைகளை தீர்வு செய்து கொள்ளலாம். இவ்வாறு அதில் குறிப்பிட்டுள்ளார்.