எச்.ஐ.வி., விழிப்புணர்வு பிரசாரம்

கிருஷ்ணகிரி: கிருஷ்ணகிரி மாவட்டத்தில், எச்.ஐ.வி., எய்ட்ஸ் மற்றும் பால்-வினை நோய் பற்றிய பிரசாரம் கடந்த ஆக., 12ல் முதல் வரும் அக்., 12 வரை நடக்கிறது. நேற்று கிருஷ்ணகிரி புதிய பஸ் ஸ்டாண்டில் எச்.ஐ.வி., குறித்த விழிப்புணர்வு பிரசாரம் நடந்தது. கல்லுாரி மாணவ, மாணவியரின் மனித சங்கிலி மற்றும் விழிப்பு-ணர்வு பேரணியையும் டி.ஆர்.ஓ., சாதனைக்குறள் துவக்கி வைத்தார். தொடர்ந்து, ஆட்டோவில் எச்.ஐ.வி., குறித்த விழிப்பு-ணர்வு ஸ்டிக்கர்களையும் ஒட்டினார். மக்கள் கலைக்குழுவினர் மூலம் எய்ட்ஸ் குறித்த விழிப்புணர்வும் ஏற்படுத்தப்பட்டது. மாவட்ட திட்ட மேலாளர் அருள், அரசு மருத்துக்கல்லுாரி மற்றும் மருத்துவமனை உள்ளிருப்பு மருத்துவர் மது, கூட்டு மருந்து சிகிச்சை மருத்துவர் ஜெகன், உள்பட பலர் கலந்து கொண்டனர்.